Vegna umvælingar og umbygging hjá Umsorganarheiminum, Gloriu við Stangarvegin, varð avrátt, at stóra, flotta Torra-fiskaborðið skuldi verða í Skálanum í ár á Torradøgunum.
Har var hópin av fólki, sum so oftani fyrr, ið plagar at leita sær til hetta forkunnuga mattilboðið í Torravikuni.
Og tað var, sum altíð nógv ymiskt at velja í, sum hoyrir Torratíðini til – Fleiri ymiskir fiskarættir, lippur, kjálkar, feskur fiskur, livur og rogn, stoykt flak, knettir, frikadellur, saltfiskur og nógv annað gott. Góður ræstur fiskir, garnatálg, gott spik var eisini á borðseðlinum!
Omaná fekst tú ein góðan kaffikopp við nógvum góðum afturvið.
Torra-borðið hjá Gloriu er komið fyri at verða!
