Lýsing
Lýsing

Virðiligt samskifti, hóast ymisleika”

hós. 1. des. kl. 18.00

Klaksvíkingurin Niclas Heri Jákupsson, millum annað kendur frá tónleikabólkinum Dynamitt, og maðurin handan hugskotið til Heystfagnaðin, hevur fyrilestur í Kolshøll, hóskvøldið 1. desember klokkan 18:00.  Fyrilesturin hevur heitið ”Virðiligt samskifti, hóast ymisleika”. Stutt um fyrilesturin:

Ein jaligur og til tíðir stuttligur fyrilestur, um samskifti millum pør, foreldur og børn og millum starvsfelagar.
Fyrilesturin kemur inn á hvussu umráðandi tað er at hava virðiligt samskifti, hóast vit eru sera ymisk.

Um týdningin at duga at lurta og spyrja inn til tankar og kenslur hjá hvørjum øðrum. Tað er jú við samskiftinum, at vit vísa øðrum áhuga – og tað er við at lurta og spyrja, at vit betri kunnu skilja og virða tey vit samskifta við.

Avbjóðingarnar í dag við at samskifta eru rættiliga nógvar: Vit eru troytt, móð og strongd – og hava tí sjáldan yvirskot at spyrja og lurta. Vit hava eisini nokk í okkum sjálvi – og hvørki vilja ella seta orku av til samskifti – umframt hetta, so eru vit eisini rættiliga ymisk.

Ein jaligur og til tíðir stuttligur fyrilestur – sum tann vaksna familjan hevur gott av at hoyra. Fyrilesturin er ókeypis.

 

Seinastu tíðindini
Kavin hevur verið harður við haruna
Ragnar og Liz verða við á møtinum í Bete…
Sum smádrongur ræddist eg doktarabátin
Tvær kirkjur í Klaksvík
KÍ tapti í Gundadali
Hesir fiskaðu fyri mest í 5A í 2022
Myndarøð: KÍ kvinnur­nar vunnu stórt á 07…
Heim eftir Garðaveg­num í minninum
Verjir psykiatri­lógin veruliga?