Eitt sindur av vindi í kvøld. Køld luft, sum stavar frá leiðini við Svalbard, skundar sær ímóti Føroyum.
Tá ið dystur er á Tórsvølli í kvøld ímillum HB og KÍ, er ættin norðan, vindferðin um 15 m/s og yvirhøvur turt.
Norðan er góð ætt í Gundadali. Hóast miðalvindferðin er um skrið, er væl spælandi – bæði á Tórsvølli og ovara vølli, siga vælvitandi keldur í Havn. Lotið fer diagonalt úr horninum niðan ímóti svimjihøllini og oman ímóti gamla HB-húsinum.
Best er at sita á tí stóru tribununi við rygginum ímóti høllini á Nabb og at vera væl ílatin, tí tað er kalt at hyggja eftir fótbólti í kvøld. Hitin fer at liggju um 4-5 stig.
