Tað er enn ikki vist, at Korona er á Mars, men tað er staðfest, at David Arge Klevang Petersen, sum skuldi halda fyrilestur um ferðina á Mars, hevur fingið Korona, og er tí tiltakið í Torraskránni, “Hvussu gongur á Mars”? avlýst.
Hetta tiltakið skuldi verða í morgin, leygardagin 26. februar í gomlu Miðhøllini á Skúlatrøð, men er sum sagt avlýst.
Tó verður arbeitt við, at hetta tiltakið og onnur, sum eisini hava verið avlýst í Torravikuni vegna forfall, kunnu verða aftur um 3-4 vikur.
Talan er um “Stellurnar”, “Brúður í Roskilde Dómkirkju” og “Hvussu gongur á Mars”, sum vit venda aftur til.
Hesi tiltøk verður meir at frætta um, tá ið vit vita betur, hvussu leikur fer – um 3-4 vikur.
