Hálvfinalurnar í steypakappingini hjá teimum eldru verða í Badmintonhøllini í morgin. Byrjað verður kl 13 og hildið verður á til seint á kvøldi
Tey flestu av teimum bestu innan føroyskan flogbólt verða í Badmintonhøllini í morgin. Hálvfinalurnar eru á skrá og finalistarnir til ársins steypafinalur skulu finnast.
Flogbóltssambandið saman við Mjølnir fyriskipað dagin og karmarnir eru framúr at leika flogbólt. Eisini hjá fjepparum har sitipláss eru báðumegin. Eisini eru svali, har fólk kunnu standa og ikki minst sita við einum kaffikoppi og onkrum góðum etandi úr Mjølnir-kioskini.
Mjølnir fjepparar kunnu gleða seg tí bæði kvinnurnar og menninir eru í hálvfinaluni.
Leikskráin er henda:
Kl. 13.00 SÍ – Mjølnir Meistaradeild kvinnur
Kl. 15.00 ÍF – SÍ Meistaradeild menn
Kl. 17.00 Dráttur – Fleyr Meistaradeild kvinnur
Kl. 19.00 Mjølnir – Fleyr Meistaradeild menn
