Føroysku hundarnir klára seg vanliga væl so hetta er eitt týðiligt tekin um, at áhugin fyri seyðahundinum er vaksandi og støðið innan seyðahundavenjing, í Føroyum, er í støðugari menning
Føroyska landsliðið við seyðahundum er nú úttikið, og mannað, við fleiri dugnaligum førarum og hundum, sum skulu umboða Føroyar í tveimum stórum altjóða kappingum í 2025: Norðurlandameistarakappingin (NM) og Europa meistarakappingin (EM).
Føroysku hundarnir klára seg vanliga væl so hetta er eitt týðiligt tekin um, at áhugin fyri seyðahundinum er vaksandi og støðið innan seyðahundavenjing, í Føroyum, er í støðugari menning.
Liðið, ið skal umboða Føroyar, er mannað við hesum førarum og hundum:
- Tummas Jacobsen við Moss.
- Anna Sofía Fjallheim við Midge.
- Jónstein Petersen við Gripur.
- Tummas Jacobsen við Linn.
Kappingarnar verða hildnar hesar dagar:
- NM í Noregi: 29. til 31. august 2025
- EM í Kekkia: 18. til 21. septembur 2025
Vit ynskja øllum luttakarunum bestu eydnu og gleða okkum at fylgja teimum.
