Royndur verjuleikari, sum í 2019 spældi við vinnarunum av 1.deild hjá KÍ, verður nú aftur at síggja í Betri Deildini.
ÍF skrivar soleiðis:
Jens Joensen hevur í dag undirskrivað sáttmála við ÍF, sum er galdandi fyri kappingarárið 2020.
30-ára gamli verjuskansin úr Runavík hevur frá 2008 til 2018 spælt 214 dystir og skotið 13 mál í Betrideildini fyri NSÍ.
Jens var við til at vinna løgmanssteypið við NSÍ í 2017, og í 2018 varð hann valdur til ársins leikara í felagnum.
Vit vilja við hesum ynskja Jens hjartaliga vælkomnum til felagið, og ynskja honum og liðnum alt tað besta.
