Í dag var samkoma fyri timburlæraranum, Linjon Jacobsen, á Tekniska Skúla.
Rúni Heinesen, skúlastjóri, bjóðaði vælkomin. Í stuttum greiddi hann frá, at Linjon byrjaði í starvinum fyri góðum 40 árum síðan. Bæði millum næmingar, lærlingar og í byggivinnuni hevur Linjon hesi mongu árini verið eitt kent andlit.
Hann hevur upplivað starvið í tíðini, tá bert lærlingar vóru á skúlanum, kreppuna eftir áttatiárini og í uppgongutíðini, har skúlin er vaksin og vorðin meira fjølbroyttur.
Eyðkennini fyri Linjon er, at hann er greiður, røkin, nærlagdur og altíð fúsur at taka við nýggjum avbjóðingum. M.a. var hann í 90´unum KT-lærari og skeiðslærari innan KT.
Vinir og kenningar vænta ikki Linjon kemur at keða seg, nú hann byrjar upp á pensionistatilveruna.
