Gunnar Nielsen hevur verið fíggjarstjóri í Bakkafrost frá 2014-2019, umframt at hann hevur havt fleiri aðrar leiðsluroyndir. Nú skal føroyingurin vera fíggjarstjóri í SalMar, ið er ein av størstu laksaalarum í heiminum.
Gunnar Nielsen er 44 ára gamal og er útbúgvin Master of Science in Business Economics and Auditing fra Copenhagen Business School.
Stjórin í SalMar, Gustav Witzøe, sigur í stuttari viðmerking til iLaks.no, at tey eru sera fegin um at fingið Gunnar í starv, av tí at hann hevur týdningarmikla vitan og royndir við laksaaling, og hevur drúgvar altjóða royndir, samstundis sum hann eisini kennir væl til somu arbeiðsmentan.
SalMar slaktaði 173.500 tons av reinsaðari vekt í 2020
Seinastu árini hevur Gunnar verið fíggjar- og varastjóri hjá Reyni Service.
