So er tað í dag at Heiðrikur á Heygum sýnir fram listaverk síni í Gamla Seglhúsinum í Klaksvík
Listaframsýningin hevur heitið, “hvøreriegnú?”. Framsýningin fevnir um 12 akvarellmálningar, sum hvør í sínum lagi lýsa menniskjalikamið í ymiskum dekonstruktueraðum støðum.
Framsýningin snýr seg um evnið umskapan, har Heiðrikur hugleiðir um ferðina frá onkrum gomlum til nakað nýtt. Í listaverkum sínum á framsýningini, hugleiðir Heiðrikur um endurskapan, endurføðing, samleika og grøðing. – Fyri at byrja av nýggjum, má ein bróta sundur.
Fernisering verður í dag klokkan 16:00
Hjartaliga vælkomin.
