Landsstýrismaðurin í samferðslumálum sigur í samrøðu við R7 at Tórshavnar Havn krevur 10 – 12 ferðir so nógv í havnagjaldi sum eitt nú Klaksvíkar Havn. R7 skrivar á heimasíðuni at Tórshavnar kommuna umhugsar at kæra Henrik Old til landsstýrismálanevndina, og landsstýrismaðurin sigur seg vóna, at kommunan kærir, soleiðis at alt kemur fram í málinum.
Henrik Old, landsstýrismaður ber als ikki ótta fyri, at Tórshavnar kommuna fer at kæra hann til landsstýrisálanevndina í sambandi við eitt bíðirúm í Nólsoy. Tvørturímóti vónar hann, at Tórshavnar kommuna fer at kæra, soleiðis at almenningurin fær at vita, hvussu nógv meira Tórshavnar havn krevur í havnagjaldi í mun til aðrar havnir í Føroyum.
