Ein ómetaliga góð skrá sett upp í einum hefti við heili 6 síðum av spennandi tiltøkum, sum strekti seg frá mikudegi til sunnudag.
Byrjað varð við at takka fyri gróðurin í Eiðis kirkju, har samvera var í Karmel aftaná við grýturætti – og í dag er eftir sunnudagsskúla og guðstænastu upphiting til 26. umfar í betri deildini.
Hvørt neyst, kjallari, úthús, gamli handilin hjá Óla og niðurlagda fiskavirkið var í brúk til heystfagnaðin, har tú kundi keypa alt av handans slagið.
Kanska var høvuðsstøðin á Lækjuvegi, har m.a. FM í fletting var á skrá, men øll bygdin var partur av hesum stóra tiltaki.
Tú skuldi vera heppin at finna parkeringspláss, tí allastaðni stóðu bilar á teimum stóru parkeringsplássunum – Ja, bygdin var full av fremmandum bilum, so tiltakið “Heystfagnaður á Eiði” var væl vitjað.
