Nógv fólk duga sera væl at taka myndir og tí vilja vit spyrja pent, um tit vilja senda okkum nakrar av tykkara góðu myndum úr Norðoyggjum. Vit vilja fegin hava myndir úr øllum bygdum, tað kann eisini verða av bø, haga, djórum, ja stutt sagt løtumyndir.
Tað sum vit ætla við hesum, er sjálvandi at vísa vakurleikan í Norðoyggjum, vit fara at nýta myndirnar til okkara facebook vanga, til heimasíðu og marknaðarføring.
Vit fara at leggja eina mynd út um dagin – eina sokallaða “dagsins mynd” – og sjálvandi frámerkja vit myndatakaran.
Og so tað praktiska: tit kunnu senda myndirnar til info@klaksvik.fo, so fara tykkara frálíku myndir, so við og við, at at síggjast á okkara facebook vanga. Tá tit senda okkum myndirnar, geva tit okkum eisini loyvi at brúka myndirnar til marknaðarføring.
Til eitt tílíkt uppslag hoyrir sjálvandi ein mynd við, og hesa hevur Sigrið Mikkjalsdóttir, sum arbeiðir í Norðoya kunningarstovu, tikið.
Vinarliga
Visit Norðoy
Theresa Turiðardóttir Kreutzmann
