KÍ og Víkingur bresta saman á Tórsvølli.
Stórsteypadysturin er millum FM-vinnaran og steypavinnaran. Hjá KÍ eru nógv ivamál til dystin. Markus O. Pettersen, Rói M. Hentze, Jóannes K. Danielsen, Heini Vatnsdal, Óli Ey. Poulsen, Jákup B. Andreasen, Dávid B. Andreasen, Claes Kronberg, Mads B. Mikkelsen og Jonn Johannessen hava antin verið skaddir ella eru skaddir í løtuni. Tó væntast onkur av teimum at blíva klárur til dystin. Hyggja vit eftir finaluni í Klaksvíkskappingini, so manglaði Víkingur Sølva Vatnhamar og Jákup Johansen tann dystin.
Dysturin á Tórsvølli byrjar kl. 15.00. Dómari verður Eiler Rasmussen.
