Stýrið í Kringvarpi Føroya hevur eftir innstilling frá eini setanarnevnd avgjørt at seta Ivan Hentze Niclasen í starv sum stjóri í kringvarpinum.
Kringvarpsstýrið kunngjørdi í morgun, at Ivan Niclasen er nýggjur stjóri í Kringvarpinum.
Stýrið í Kringvarpi Føroya hevur eftir innstilling frá eini setanarnevnd avgjørt at seta Ivan Hentze Niclasen í starv sum stjóri í kringvarpinum.
Ivan er 58 ár. Hann er útbúgvin sum kandidatur í søgu og hevur tikið master útbúgving í globalisering og integratión.
Ivan hevur starvast innan sjónvarps- og útvarpsmiðlar síðan 1991 og hevur drúgvar royndir í Kringvarpinum, m.a. sum programleiðari og tíðindaleiðari.
Síðan 2015 hevur Ivan verið mentanarsamskipari og redaktørur á Mentanardeildini í Kringvarpinum.
Ivan, sum býr í Miðvági, tekur við starvinum so skjótt tær praktisku umstøðurnar loyva tí.
