30. desember handaði Heðin Zachariasen, fráfarandi borgarstjóri í Sunda kommunu, nývalda borgarstjóranum, Jógvani Kruse, lykilin til kommunuskrivsstovuna.
Heðin, sum í dag er 61 ára gamal, hevur sitið 24 ár í kommunalpolitikki. Harav 20 ár sum borgarstjóri. Hann fer tó ikki at sita hendur í favn. Heðin situr á Føroya løgtingi fyri fólkaflokkin og so eigur hann fyritøkur.
Heðin og Jógvan kennast væl, tí Jógvan arbeiddi í nøkur ár sum fíggjar- og fyrisitingarleiðari í kommununi.
Nývaldi borgarstjórin, Jógvan Kruse, er 41 ára gamal, og býr á Oyrarbakka. Jógvan stillaði fyrstu ferð upp á valinum 10.november 2020 og fekk hann flest atkvøður.
Vit í Sunda kommunu takka Heðini Zachariasen fyri tíðina og ynskja Jógvani Kruse vælkomnan í nýggja starvið sum borgarstjóri í Sunda kommunu.
