Team Klaksvík fær eisini føroyska tilgongd.
Team Klaksvík boðar frá, at sáttmáli er gjørdur við 24 ára gamla vestmenningin Jóhan í Garðastovu, sum síðsta kappingarár spældi við VÍF. Har gjørdi hann m.a. um seg í dysti móti júst Team Klaksvík, tá hann skoraði 11 mál. Hann er vinstri vongur. Harafturat kemur 34 ára gamli Bjørgvin Lemvig at verða málverji í hópinum afturat David Henigman, sum frammanundan er málverji. Hann spældi við Kyndli í fjør.
Landskappingin í hondbólti byrjar 11. september.




