Café Old School í Hvannasundi varð somikið væl móttikin í summar, at fyrireikararnir hava valt at hava opið í desember eisini.
Í caféini verður borreitt við te, ymsum kaffi, kakao og køkum, men nú í desember ber matskráin eisini brá av, at vit nærkast jólum.
Nógvar handgjørdar vørur eru eisini til sølu í caféini, so tað liggur væl fyri at finna eina jólagávu ella okkurt til jólahugnan.
So tað er bara at leita sær leiðina norður í Hvannasund til ein kaffimunn, og hvør veit, um tú ikki finnir eina jóladekoratión, eitt jólaprýði ella einar vøttir at hava heim við.
Opið er mik-, hós- og fríggjadagar kl.16-20.
