Broytingar á leið 56 tann 27. og 28. septembur.
Við tað at tekniskir trupulleikar eru við umstýringini umborð á Sam, verður Sam tikin úr sigling í tveir dagar, tann 27. og 28. september. Hesir dagar fer Jósup at røkja Kalsoyarleiðina, meðan Sam er á beding.
Jósup tekur 70 ferðafólk og ongi akfør. Tó vera framvegis 30 pláss sett av til tey fastbúgvandi í Kalsoynni, soleiðis at tað eru 40 pláss tøk at bíleggja í plássbíleggingarskipanini. Jósup siglir eftir vanligu ferðaætlanini, ið er galdandi fyri leið 56.
Sam verður væntandi aftur í sigling fríggjadagin 29. septembur.
