Byggivirkið Kanjon, hevur rundað hálvu øldina, var sett á stovn í 1967 og hevur tí eina sera áhugaverda søgu í byggivirksemi ígjøgnum føroysk viðbrekin tíðarskeið.
Seinast í 1960unum komu brøðurnir Johannes og Kjartan Hansen, heim úr USA og Kanada eftir umleið 10 árum har yviri.
Teir settu beinanvegin síni merki á nýskapan og saman við byggifrøðinginum og seinni arkitektinum, Tróndi Fuglø – Fuglark – brutu hesir upp úr nýggjum við ymiskum stíli og sniðum í privatari húsabygging, serstøkum nýmótans skúlabyggingum t.d. á Argjum, í Hoyvík, Runavík, Klaksvík og aðrastaðni. – Hetta skúlasniðið gjørdist “eitt heat””!
Seinnu árini hava teir havt stórar skúlabyggingar og aðrar størri verkætlanir um hendur um alt landið.
Eisini átóku teir sær havnarbyggingar ymsastaðni í Føroyum, har fyrsta havnarbyggingin var ferjulegan í Klaksvík fyrst í 1970unum.
Tá kreppan gjørdi um seg fyrst í 1990unum, fóru teir við fólk sínum til Týsklands at virka.
Alt hetta og nógv afturat, fer Kjartan Hansen, stjóri á KANJON, at greiða frá við myndum, hvussu teir riðu stormarnar av og ídag hava eini 70 fólk – útlendingar og føroyingar – í arbeiði og hava nógv at gera.
Fundurin er fyri limirnar í Vinnulívsráðnum við starvsfólki.
Byrjað verður týsmorgunin 3. desember kl. 9.30 við morgunmati á Hotel Klaksvík.
