Tað hevur verið eitt sindur trupult at spáa um veðrið seinastu dagarnar. Tað er ikki nógv lív í lufthavinum oman fyri Føroyar fyri tíðina.
Og tó.
Seinnapartin í morgin, leygardagin, fer eitt lágtrýst at standa beint norðan fyri Írland. Úr miðjuni stingur eitt trog seg norður ímóti okkum, fer norðurvið vestanfyri. Tá ið so er, er ættin um eystan í Føroyum – og lítil vindur.
Meðan kappróður er á jóansøku, er eitt lítið lot av eystri, undir 5 m/s. Undanvindur – sum ikki fer at ávirka róðurin stórvegis.
Góðar keldur úr Vági siga hetta vera gott veður til kappróður, serliga síðan grótkastið kom. Tó er ikki altíð klárt á eysturættum. Í dag, fríggjadag, var gott veður, og vágbingar vænta sama veður í morgin, leygardagin.
