Í ár fer KÍ ikki at býta dystirnar um sum í fjør, sigur Kaj Dam úr Nyon í Sveis, har lutakastið hevur verið í dag í Europa League.
Fyri KÍ luttóku Rúni Heinesen og Kaj Dam, sum báðir eru partar av Betri bólkinum hjá KÍ. Sum myndin vísir, so hava teir í dag møtt umboðum fyri Birkirkara.
– Vit spæla á útivølli fyrst 28. juni og so á heimavølli 5. juli, sigur Kaj Dam úr Nyon.
Í fjør fekk KÍ eisini útidyst fyrst í lutakastinum, men valdi tá at býta um, so at liðið spældi á heimavølli fyrst. Tað verður ikki gjørt í ár.
