KÍ leggur í dag seinastu hond á fyrireikingarnar til avgerandi dystin í annaðkvøld.
Tórsvøllur skal verða tøkur dagin fyri til bæði liðini, dómarar, UEFA umboðsmann o.s.v. Hetta er orsøkin til, at B36 mátti spæla í gjár. KÍ venur á Tórsvølli seinni í dag.
Vanligt er, at útiliðið hevur venjing júst 24 tímar áðrenn dystarbyrjan.
KÍ hevur fyrr í ár spælt tveir skrásettar dystir á Tórsvølli og vunnið báðar. Stórsteypadystin móti B36 og landskappingardyst móti HB.
KÍ-Ballkani spæla hóskvøldið kl. 19.00. Atgongumerki kunnu keypast á ki.fo.
