Sambært KVF er embætisverki í Fiskimálaráðnum liðugt við at viðgera menningarkvoturnar, men landstýrismaðurin hevur síðan mánadagin hildið kvotunum aftur.
Hóast Fiskimálaráðið fríggjakvøldi legði boð út um at umsøkjarar fóru at fáa svar mánadagin, er enn einki hent síðani og eingin fjølmiðil hevur enn fingið fatur á landstýrismanninum ella aðalskrivaranum.
Meira um málið í tíðindasendingini hjá KVF á middegi kann hoyrast her
Sambært grein sum nevndarformaðurin í Skopun Seafood og borgarsjórin í Skopun sendi miðlunum í gjár, var landsstýrismaðurin í fiskivinnumálum og landsstýrismaðurin í vinnumálum vóru mánadagin á fundi við leiðsluna í Skopun Seafood har m.a. møguleikar hjá virkinum at fáa lut í menningarkvotum ella at fáa skip til virkið var umrøtt.
