Javnaðarflokkurin hevur verið á sjarmuferð í Klaksvík í dag
Fyrst varð vitjað í Varpinum har Annfinnur Heinesen, stjóri tók ímóti og greiddi frá um nýggju mentanarperluna í Klaksvík.
Síðani greiddi Theresa T. Kreutzmann frá um nýggju ferðavinnustrategiina hjá Visit North. Javnaðarflokkurin vitjaði eisini formannin í meginfelagnum útróðrarmanna Finnbjørn Vang, til eitt prát um avbjóðingarnar hjá útróðrarvinnuni.
Alexandra á Dul og Súsanna Olsen tóku í móti á Klaksvíkar Sjúkrahúsi, har serliga varð tosað um Gula húsið og nýggja MR Skannarin.
At enda vitjaði umboðini fyri Javnaðarflokkin redaktiónina á Norðlýsinum. Stjórin greiddi frá virkseminum síðani yvirtøkuna herfyri og umrøddi støðuna hjá privatu miðlunum í Føroyum.
