Klokkan 16 í dag leggur nýggjasta og snotiligasta skipið í føroyska foltanum at í Norðhavnini, Christian í Grótinum.
Skrokkurin á Christian í Grótinum er bygdur í Polen og síðani liðuggjødur í Skagen á Karstensens Skibsværft.
Talan er um eitt rættiliga væl framkomið skip, sum eisini í snið og skapi er framúr. Tó er ikki frabikk umborð, men bert tankar til pelagiskt fiskarí.
Leygardagin í síðastu viku var samkoma í Skagen, har væl av fólki varð savnað til dóp og avhendan av hesi snotiligu skútuni, sum leggur at í Norðhavnini í Áninum í dag kl. 16. Myndirnar niðanfyri eru frá dópinum
Borgarstjórin, Karl H. Johansen heldur røðu og boðið verður umborð á skipið. Eisini ber til at vera inni í stóru høllini hjá Skipafelagnum, har dekkað er við borðum.
Bátar taka ímóti úti á pollinum kl 15.15.
