2-1 til Klaksvíking eftir tryggan sigur í Hvalvík.
Í dag var FM-kappróður á sundalagsstevnu í Hvalvík. Úrslitini hjá bátunum úr Norðoyggjum mintu nógv um tey á fyrstu stevnunum. Fípan Fagra við gentum vann í stórum stíli og Páll Fangi við monnum vann tryggan sigur.
Hjá 10-mannaførum legði Klaksvíkingur seg á odda 2-1 móti Norðingi. Klaksvíkingur var á odda frá byrjan til enda og á málinum var ein bátslongd á muni. Myndamaðurin hjá Norðlýsinum var á staðnum, tá KRF vann allar tríggjar sigrarnar í góðveðrinum.
