Fyri kortum flutti RV-tøkni nakrar metrar longur norð frá Stangavegi 14 til Stangaveg 23. Vælkendu hølini, ið á mannamunni hava verið rópt Finastøðin seinastu árini, eru nú umvæld til virksemið hjá RV-Tøkni
Vinnulívsráðið í Klaksvík skipar fyri netverksfundum nakrar ferðir um árið. Hesaferð er fundurin í el-fyritøkuni RV-Tøkni. Nógvir limir eru møttir upp. Frimodt Rasmussen bjóðaði vælkomin og síðani var ein morgunmatur at fáa.
Rói Vang, stjóri í RV-Tøkni hevur síðani eina framløgu um fyritøkuna, ið hevur ment seg nógv seinastu 10 árini, har kjarnuøkið fyrst og fremst hevur verið sergjørdar stýringar.
Í Netverkinum hjá Vinnulívsráðum eru 65 limir ídag.
