Arnbjorn Joensen vann búmerkjakappingina, sum Norðoya Bátafelag skrivaði út herfyri
Norðoya Bátafelag er nýggjur felagsskapur hjá bátaeigarum í Norðoyggjum. Felagið ynskti, at fáa eitt búmerki og skrivaði tí út eina búmerkjakapping í september mánaða.
Tað komu níggju uppskot inn til kappingina. Nevndin hugdi øll uppskotini ígjøgnum og kom til ta niðurstøðu, at uppskotið hjá Arnbjorn Joensen var tað besta. Arnbjorn Joensen vann tískil vinningin á 6.000 krónur.
Nevndin takkar øllum, sum sendu inn uppskot.
