Tað er ikki meiri luft av Norðpólinum, sum kemur til Føroya.
Nú er tað luft úr miðjum Norðuratlantshavi, sum vit merkja.
Hitin klokkan 14 í dag er 1-2 stig kring landið. Í gjár vóru minus 1 ella 2 stig.
Eysturætt í dag – vindferðin 2 til 7 m/s. Í kvøld og í nátt landnyrðingur, sama vindferð. Ælingar við kava alla tíðina. Tað sæst á flykrunum, hesi 2-3 hitastigini, sum eru komin afturat.
Fyrrapartin í morgin gongur hann aftur upp í norðan – og ikki nógvur vindur, minni enn 5 m/s.
Seinnapartin í morgin og annaðkvøld verður beinur norðan, 1-2 m/s. Tá eru vit á hátrýstrygginum eina í nakrar tímar – ættin koppar niður í landsynning-sunnan eina ferð tíðliga týsmorgun.
Hitin í morgin fer at liggja úr frostmarkinum og nøkur stig uppeftir.
Fyrrapartin týsmorgun fer vindur at veksa – á middegi eru 5 til 10 m/s. Seinnpartin veksur hann uppaftur meir – um kvøldið er fitt av vindi og regn.
