Í dag klokkan 15 00 var eyka fylkisfundur í Uppistovu fyri at velja nýggja leiðslu
Árni Skaale sum er blivin landsstýrismaður hevur trekt seg úr leiðsluni. Fundurin gjørdi av at velja Báru Skaale Klakkstein inn í leiðsluna fyri Árna.
Fylkisleiðslan hevur skipað seg soleiðis:
- Hans Hjalti Skaale, fylkisleiðari
- Bára Skaale Klakkstein, fylkishjálpari
- Símun Michael Sørensen, kassameistari.
Á fundinum kjakaðust vit um dagsins viðurskifti, koronustøðuna og støðuna í skótaliðnum nú støðgur hevur verið í arbeiðinum ársaka av Koronu. Skotarnir eru byrjaðir aftur hesa vikuna, hava hildið tveir fundir og undirtøkan er góð, úlvaungarnir byrja aftur nú mikudagin, so tað er gott.
Kaffi var í kannuni, Frida hevði okkurt til søtu tonnina og Guitarin í nýtslu.
