Tríggjar broytingar eru gjørdar í manningini hjá Orminum Langa í mun til kappingarárið í fjør.
Ormurin Langi var at síggja á vágni í Klaksvík í dag sum partur av fyrireiking til Norðoyastevnuna, sum verður um tvær vikur. Har skal hann kappast við Klaksvíking, Havnarbátin, Drekan Reyða og Suðuroyingin. Ormurin venur væntandi aftur í morgin í Klaksvík.
Í Norðlýsinum í komandi viku er samrøða við Janus Dam-Jacobsen, sum er ein av trimum røðarum á Orminum Langa, sum áður hevur róð og vunnið FM við Klaksvíkingi.
