SF: Tað er alt slag av fólki, sum halda til í stórbýnum á Vágni hesar SF-dagar. Hjálparvenjarin hjá KÍ, saman við konuni, stríðist við seta eitt tjald uttan fyri sín húsvogn. – Í morgin fer at gretta hjá okkum, sigur hann og sipar til steypadystin hjá KÍ.
SF: Tað er alt slag av fólki, sum halda til í stórbýnum á Vágni hesar SF-dagar. Hjálparvenjarin hjá KÍ, saman við konuni, stríðist við seta eitt tjald uttan fyri sín húsvogn. – Í morgin fer at gretta hjá okkum, sigur hann og sipar til steypadystin hjá KÍ.
Tað gongur sera illa hjá KÍ í landskappingini fyri tíðina. Men prátið um KÍ minkar ikki. – Og tað verður ikki seinastu ferð, at Pauli Poulsen fer at práta um KÍ á festivalinum. Í Klaksvík telur KÍ nógv.
Pauli Poulsen harmast sjálvsagt ringu gongdina hjá KÍ.
– Vit spæla ein hampiligan dyst sunnudagin, men marginalarnir eru ikki við okkum. Tað skal nógv til fyri at venda eini vánaligari gongd.
– Men í morgin verður tað, at KÍ aftur fer at vinna!
KÍ spælir í morgin seinna steypadystin í móti EB/Streymi. Og skal KÍ hava nakran møguleika at sleppa út í Evropa at spæla komandi kappingarár, skal dysturin í morgin vinnast. Sum tað sær út nú, fæst atgongumerkið út í Evropa neyvan í landskappingini.
Enn hevur KÍ møguleikan at fáa atgongumerkið við at vinna steypakappingina. Ja, hví ikki sníkja seg út í gjøgnum bakdyrnar. Tað telur líka nógv.
