Í løtuni ber ikki til at siga, nær havnaviðurskiftini koma endaliga í rættlag. Avgerð má fyrst takast um, hvørt ferjulegan í framtíðini skal vera á Stongunum ella á Stóru Kai, sigur Jóhan Christiansen samferðslumálaráðharri í skrivligum svari til fyrispurning frá Beini Johannesen
Pisshúsið er nú komið í løgtingið.
Hóast umsitingin hjá Klaksvíkar kommunu mælti til at taka pisshúsið niður, so samtykti Klaksvíkar býráð á seinasta býráðsfundi, at pisshúsið í Klaksvíksgarðinum skuldi “varðveitast og setast í nýtiligan stand”.
At pisshúsið soleiðs bæði skal varðveitast og setast í nýtiligan stand órógvar nú Kalsoyarleiðina, tí ætlanin hjá umsitingini var at taka pisshúsið burtur fyri at gera betri pláss til bilrøðir í samband við at Teistin skal leggja at í Klaksvíksgarðinum í eitt tíðarskeið meðan ferjulegan á Stongunum verður klárgjørd.
Beinir Johannesen spyr í hesum døgum Jóhan Christiansen, samferðslumálaráðharra um Kalsoyarleiðina. Beinir fregnast eftr nær arbeiði byrjar í Klaksvík, hví arbeiðið ikki er sett í gongd, og hvussu umfatandi tað í veruleikanum er.
Og samferðslumálaráðharrin svarar orðarætt í gjár at: Í løtuni ber ikki til at siga, nær havnaviðurskiftini koma endaliga í rættlag. Avgerð má fyrst takast um, hvørt ferjulegan í framtíðini skal vera á Stongunum ella á Stóru Kai.
