Brasilianski Ronaldo hevur keypt 51% at virðisbrøvunum í spanska La Liga felagnum Real Valladolid
Real Valladolid hevur fingið ein sera kendan meirilutaeigara. Forsetin í Valladolid sigur at nú verður felagið sett á heimskortið og klárt er nú at økja um góðskuna á liðnum.
Ronaldo segði tíðindafundi í dag at fýra orð fara at sermerkja leiðsluna hjá Real Valladolid. Kappingarhugur, opinleiki, kollvelting og sosial.
Ronaldo leikti fyri m.a. PSV, Barcelona, Inter og Milan í síni tíð. Hann varð kosin besti leikari í heiminum í 1997 og 2002.
Valladolid liggur í løtuni á 16. plássi í La Liga og enn hava teir ongan dyst vunnið í hesum kappingarárinum.
