Í samband við átakið “Rudda Føroyar” ynskir Klaksvíkar kommunu at geva sítt íkast til hetta góða átak.
Tí hevur fyrisitingin hjá Klaksvíkar kommunu ruddað í fjøruni Úti í Grøv í morgun á heim á Flesjarnar.
Hetta hevur verið siður hjá kommununi í mong ár, men ongantíð hevur verið so ruddiligt, sum í ár. Væl vitandi hava skótarnir ruddað á einum parti av hesum økinum, so tað er hugaligt at nógv taka lut í hesum skilagóða tiltaki.
Í morgin fara býráðslimur at rudda frá Flesjunum og yvir til bátahylin í Borðoyarvik.
Yvirskipaða endamálið við átakinum er at skapa tilvit og at broyta vanar, so komið verður nærri ynskinum um ein reinan, sunnan og ruskleysan heim.
Forsíða
