Einar´s Distillery spennir seg út við fyrsta føroyska romminum, ið er komið á marknaðin.
Skipar Hansen´s Romm er framleitt í Føroyum við íblástri úr søgu- og smuglaravirkseminum, ið fór fram umvegis Vágsbotn og Rybergs handilin (1767-1788).
Skipar Hansen´s Romm er gjørt úr dygdar rávørum úr Vestindia og føroyskum vatni. Rommið er brent og búnað á serstøkum føtum í Føroyum.
Einar´s Distillery hevur framleitt fyrsta føroyska rommið, ið er uppkallað eftir Skipar Hansen (1746-1817). Skipar Hansen var abbi Karin Helenu úr Funningsstovu, ið giftist við Símuni í Vági í 1888.
