Hátíðarløta var á Sjónámi í gjár, hósdagin 25.juni tá 7 Skipsatstøðarar fingu prógv. Hetta er fyrsti flokkur av fulltiknum skipsatstøðarum, ið hava tikið útbúgvingina sum eitt samanhangandi skeið.
Virðislønir til dimittendarnar við hægstu próvtølum vóru lætnar av Fiskimannafelagnum:
Sigmundur Annifinnson Ellingsgaard fekk Mont Blanc fyllupenn keyptur hjá Niels L Arge.
Tveir vóru javnir við næst besta úrsliti; Dánjal Lysholm Jensen fekk grindaknív sum Hans Jørgen Nysted hevur gjørt og Tummas Ellingsgaard fekk ein kikara keyptur hjá Jógvan Weihe.
Ídnisvirðisløn (e-bók) var latin av Banknordik til Sigmund Annifinnson Ellingsgaard.
Finnbjørn Vang, formaður í Meginfelag Útróðrarmanna helt røðu og Jan Højgaard, formaður í Fiskimannafelagnum handaði virðislønir og segði nøkur orð.
Hanus G Johansen spældi nakrar frálíkar sangir eftir Pól F.
