Vikuskiftið 09. – 11. november, luttók Sonni Eliassen í europameistaraskapinum í Kettlebell í Porto, Portugal. Her luttók hann í tveimum greinum: Long Cycle og Biathlon.
Fríggjadagin luttók hann í “Long Cycle” – sum innan olympiska vektlyfting eitur “Clean and Jerk”. Kappingin fer fram á tann hátt, at luttakarin hevur 10 min at lyfta so ofta sum gjørligt. Sonni stóð allar 10 minuttirnar og lyfti 2 x 32kg tungar kúlir 44 ferðir. – úrslitið var eitt flott 1.pláss.
Sunnudagin luttók hann so eisini í “Biathlon” – tað eru tvær greinar í einum: Jerk og Snatch.
Kettlebell ítróttur hevur sín uppruna í Russlandi, har tað eisini er tjóðarítróttur.
Tríggjar stórir felagsskapir skipa fyri kappingum innan hesa ítrótt, tað er kanska at líkna saman við felagsskapirnar innan boksing.
Felagsskapurin, sum Sonni Eliassen luttók í í Porto eitur WKSF.
Sonni Eliassen er ættaður úr Fuglafirði og undirvísir í fullpower í Klaksvík.
