Formaðurin í Konservativa flokkinum í Danmark, føldi seg illa á einum innanhýsis fundi í flokkinum. Hann endaði á sjúkrahúsinum, men lívið stóð ikki til at bjarga.
– Tað er við stórari sorg, ar vit kunngera, at formaður okkara í dag kl. 13.13 doyði, skrivar Søren Vandsø, skrivari hjá tí Konservativa flokkinum til donsku bløðini.
Formaðurin fekk í gjár eina heilabløðing, meðan innanhýsis fundur var í flokkinum. Hann var koyrdur til Odense Universitetshospital, men lív hansara stóð ikki til at bjarga.
Søren Pape var formaður í Konservativa flokkinum, hann hevur verið ministari í donsku stjørnini hjá Lars Løkke frá 2016 til 2019.
Hann hevur eisini verið borgarstjóri í Viborg kommunu frá 2010 til 2014.
Søren Pape Poulsen gjørdist 52 ár.
