Maskinmeistari til Looknorth

Vit sóknast eftir royndum maskinmeistara, sum hevur áhuga fyri tøkniligari menning.

Vit ímynda okkum at:

• Tú hevur góðan kunnleika til stýringar og el.
• Tú hevur jaligan hugburð, umframt sinnaður at starvast í einum toymi, har øll eru viðkomandi fyri tann dagliga raksturin av virkinum.
• Tú hevur ábyrgdina av at amboð og tól, ið verða nýtt til framleiðsluna altíð eru tøk og í góðum standi. Eisini er uppgáva tín at allir vanligir nýtslulutir, eykalutir vm. eru á goymslu og tøkir.
• Tú setir reinhald og reinføri í hásæti, bæði tá ið talan er um framleiðsluútgerðina og uttanumøki.
• Tú hevur stóran áhuga í at menna tøkniliga førleikan á virkinum.
• Tú hevur rímuligan teldukunnleika, soleiðis at dagligar viðlíkahalds- og framleiðsluskrásetingar verða dagførdar javnan.

 Vit kunnu bjóða tær

• sera spennandi og mennandi arbeiðsumhvørvi, har tú verður við til
• at menna fyritøkuna tøkniliga frameftir.
• Løn sambært sáttmála við avvarandi yrkisfelag.
• Starvsbyrjan skjótast tilber eftir nærri avtalu.

NÝGGJUR FRAMLEIÐSLUBYGNINGUR

Ein serstakur møguleiki at vera við til at:

• Fyrireika og samskipa flytingina til nýggja framleiðslubygningin
• Tryggja ein væleydnaðan uppstart
• Menna enn meira automatiseraða framleiðslu

Umsóknarfreist: 27. oktober 2026

 Um tú vilt vita meira, er tú vælkomin at seta teg í samband við Ragnar O. Sundstein, stjóra umvegis telefon 758110 ella teldupost: ragnar@looknorth.fo

 Um Looknorth

Looknorth er plastframleiðari, sum áhaldandi mennur og framleiðir nýggjar vørur. Hetta ger at vit økja um tilgongdina og ymiskleikan av framleiðslutólum.

 Looknorth framleiðir seks dagar um vikuna og allar tímarnir í døgninum.

Framleiðslan umfatar EPS vørur (flamingo), harðplast vørur (sproytu­stoyping) og termoformaðar vørur. Framleiðslutól okkara eru so at siga øll teldustýrd.