Kai Helgi Ljósstein hevur júst verið í starvslæru á Veðurstovuni, har hann hevur hjálpt starvsfólkunum við nógvum ymiskum
Ymiskt er, hvat tey ungu hava áhuga fyri, tá ið tey leita sær eftir starvslæruplássum sum parti av 9. flokki. Veðurstovan hevur í fleiri umførum ikki verið før fyri at taka næmingar inn, men í ár kom hol á aftur.
Kai Helgi Ljósstein, sum til dagligt gongur á Skúlanum á Argjahamri, er nú júst liðugur við sína starvslærutíð á Veðurstovuni í Tórshavn.
Hesa tíðina hevur hann roynt at verið í ymiskum pørtum av dagliga arbeiðinum, so sum:
– Lært at brúkt forrit, ið veðurfrøðingar arbeiða við
– Gjørt sína egnu 24-tíma forsøgn, sum var brúkt bæði á heimasíðuni og í Kringvarpinum.
– Lært at fylla á ballónbingjuna, sum sendir upp veðurballónir
– Verið við úti og savnað inn vitan hjá veðurkønum á Streymnesi, um staðarveðrið har í bygdini, umframt at hava eftirkannað staðveðrið í ymiskum bygdum á Sandoynni
– Loyst ymiskar átrokandi praktiskar uppgávur, sum hava ligið á láni
– Verið við á fundum við bæði við MRCC og nýggja landstýrismannin
– Síðst og ikki minst, so hevur hann verið við at talgilt eldri veðurdáta, sum higartil bert hava verið tøk í ríkisarkivinum, men sum frameftir fara at verða løgd á heimasíðuna
Vit á Veðurstovuni takka honum fyri tíðina og ynskja honum blíðan byr framyvir.
Veðurstovan vónar hereftir at kunna taka næmingar inn í starvsvenjing á hvørjum ári.
