Tað eru framstig at hóma hjá Stjørnuni, eftir at liðið hevur bjóðað av ímóti liðunum um ovaru plássini í stigatalvuni.
Í kvøld klokkan 19 vitja Stjørnukvinnurnar EB í høllini í Eiði.
Í mun til undanfarna dyst ímillum liðini, er EB viknað nakað á leikarasíðuni og hava mist tríggjar av útlendingunum – tvær farnar av landinum aftur og Jovana Stranjanac, stinni málverjin sum hevur leikt í Kyndil í nógv ár, er darvað av skaða.
Stjørnukvinnurnar hinvegin vísa framstig ímun til kappingarbyrjanina, tá ið Neistin eyðmýkti Stjørnuna við stórsigri í KÍ høllini. Síðstu tíðina hevur Stjørnan megnað at bjóðað av ímóti ovaru liðunum og gongd er komið í málskjótingina.
Fyri Stjørnuna er umráðandi at fáa fult úrtak – vinna tær í dag, eru tær fýra stig frammanfyri EB og liggja á einum fimta plássið, sum gevur atgongd til eitt kvartfinalupláss.
Dysturin sæst á live.hsf.fo
Mynd: VB.fo
