Vit søkja eftir lívbjargara til svimjihøllina.

Høvuðsuppgávurnar eru:

- at arbeiða sum lívbjargari, herundir taka lut í vaktarskipan

- at virka fyri, at trygdin verður yvirhildin í svimjihøllini

- at virka fyri, at reinførisreglur verða yvirhildnar

- at vaska høll, brúsudeild, sauna v.m.

Aðrar uppgávur eru:

- at samstarva um nýggj hugskot, kundanum at frama

- at taka lut í svimjihallarteknikki, so sum klorroyndir, PH-royndir v.m.

- at taka lut í ymiskum røktararbeiði

- at avgreiða atgongugjøld o.a. í atgongumerkjasøluni

Vit sóknast eftir persóni, sum:

- hevur lívbjargararoynd, fyrstuhjálparskeið og góðar eginleikar at lívbjarga. (Lívbjargingarskeiðið kann verða tikið til starvið)

- hevur góð samstarvsevni

- er blíður, fyrikomandi, nærlagdur, røkin og álítandi

- hevur hugsjónir og áhuga innan svimjing

- hevur góða heilsustøðu (heilsuváttan krevst)

Setanarviðurskifti:

Talan er um eitt fulltíðarstarv. Arbeitt verður í einari skiftisskipan Til ber at spyrjaum hetta, við at venda sær til hallarleiðara.

Lønar- sog setanarviðurskifti sambært sáttmála millum Kommunala Arbeiðsgevarafelagið og Starvsmannafelagið, lønarflokkur 3 við tilvísing tilsvimjihallarleiðaran

Vit kunnu bjóða eitt spennandi starv við nógvum opnum møguleikum. 

Fleiri upplýsingar kunnu fáast við at venda sær til Torkil Mørkøre, svimjihallarleiðara á tlf. 21 41 76.

Umsóknin saman við prógvum, heilsuváttan og møguligum viðmælum v.m., skuluvera okkum í hendi í seinasta lagi týsdagin 21. sept. 2021 kl. 12:00 og sendast tiltorkil@klaksvik.fo.

Klaksvíkar svimjihøll

Ein av stórstu hallunum í landinum, hevur 25 metra svimjihyl, baðiland, heittvatnshyl, sauna og innan- og uttandura vælveruøki. Eisini hevur høllin eina hugnaliga kafeteriu.