Lýsing

Kundarøktari til toll- og vinnutoymið hjá TAKS

Hevur tú royndir at arbeiða við tolli og at vegleiða kundar, so ert tú kanska okkara næsti kundarøktari.

Kundarøktarar hjá TAKS arbeiða í tveimum toymum - borgaratoyminum og toll- og vinnutoyminum. Vit styrkja nú toll- og vinnutoymið við einum fólki. Uppgávurnar hjá toyminum eru at tollavgreiða og at málsviðgera og vegleiða vinnukundar í at avgreiða viðurskifti við TAKS, so sum at nýta sjálvgreiðslur okkara, lata inn ymiskar uppgerðir og annars at svara fyrispurningum. Starvið krevur, at tú ert fleksibul, arbeiðir sjálvstøðugt og kanst hava fleiri bóltar í luftini í senn.

Vit læra teg upp, men leggja dent á, at tú hevur viðkomandi royndir og førleikar at loysa onkrar av nevndu uppgávum. So kanska tú dugir at tollavgreiða ella veitst eina rúgvu um mvg?

Umframt at tollavgreiða og gera eftirlit, so er stórur partur av uppgávuni hjá kundarøktarum at vegleiða og hjálpa kundum. Tí er avgerandi, at tú hevur hug og hegni at tosa við fólk, bæði undir fýra eygum og í telefon, og at tú kanst málbera teg á føroyskum, donskum og enskum. Tað er ein sjálvfylgja, at tú hevur gott tænastulyndi, so tú altíð kanst veita góða tænastu.

Tað krevur góða fatan av ábyrgdarøkinum hjá TAKS at vera kundarøktari. Hevur tú ikki tað, so mást tú vera forvitin, so tú skjótast gjørligt kanst fáa hesa fatan. Gott, um tú hevur tú kunnleika til almenna fyrisiting.Teldan er týdningarmesta arbeiðsamboð okkara, og tí mást tú duga væl at arbeiða við teldu. Sum kundarøktari er tað eisini uppgáva tín at vegleiða kundar í at brúka talgildu sjálvgreiðslurnar hjá TAKS, Vinnugluggan og Borgaragluggan.

Førleikar

Tú hevur í minsta lagi miðnámsútbúgving ella aðra viðkomandi yrkisútbúging. Tú hevur góðar málsligar førleikar í føroyskum, donskum og enskum.

 

Setanarviðurskifti

Starvið er lønt í lønarflokki 3 ella 4 sambært sáttmála millum Fíggjarmálaráðið og Starvsmannafelagið, tengt at royndum og útbúgving. Talan er um fulltíðarstarv, sum verður sett skjótast gjørligt. Setanarøkið er TAKS á Skálatrøð í Havn, men fevnir eisini um Fíggjarmálaráðið og stovnar undir tí.

 

Hug at søkja? 

Trýst á "Søk starvið" niðanfyri og fyll út talgildu umsóknarskipan okkara. Har viðheftir tú eisini umsókn og avrit av møguligum prógvum og viðmælum.

Freistin at søkja er 13. januar 2019 á midnátt.

Meira fæst at vita um starvið við at venda sær til Dianu Gilstón, leiðara á kundatænastuni, á telefon 35 26 00 ella á dg@taks.fo.

Aftur
10 handverkarar til timbur­arbeiði hjá Ar…
Umsóknarfreist:
25. jan 2019
ATLANTIC AIRWAYS LEITAR EFTIR SØLUFÓLKI…
Umsóknarfreist:
21. jan 2019
Kanjon søkir eftir byggifrøðingi ella ve…
Umsóknarfreist:
25. jan 2019
Maskinførari til norð­urøkið hjá Landsver…
Umsóknarfreist:
22. jan 2019
Arbeiðsleiðari til betong­arbeiði hjá Art…
Umsóknarfreist:
25. jan 2019
Almanna­mála­ráðið søkir eftir tveimum ful…
Umsóknarfreist:
22. jan 2019
Førari til betongpumpubil
Umsóknarfreist:
25. jan 2019
Múrarar til ArtiCon
Umsóknarfreist:
25. jan 2019
Forritari til menningardeildina
Umsóknarfreist:
29. jan 2019
Fulltrúar til Heilsu- og innlendismálará…
Umsóknarfreist:
21. jan 2019