Deildarleiðari til Norðoya Ellis- og Vistarheim

Norðoya Bú- og Heimatænasta søkir eftir dugnaligum deildarleiðara at byrja 1. oktober 2019 – ella eftir nærri avtalu – í fulltíðarstarvi.

Starvið sum deildarleiðari krevur útbúgving og autorisatión sum sjúkrarøktarfrøðingur og góðan leiðsluførleika.

 

Starvsinnihald

Sum deildarleiðari verður tú partur av leiðslutoyminum hjá NBH, og kemur at hava ein týðandi leiklut í menningini av eldraøkinum í Norðoyggjum, til frama fyri bú- og starvsfólk.

Starvið inniheldur fjølbroyttar fakligar avbjóðingar, og sum deildarleiðari fert tú bæði at arbeiða sjálvstøðugt og í tvørfakligum samstarvi – við støði í visjónini hjá NBH. Tú kemur í samband við ymiskar starvsbólkar, búfólk við ymiskum tørvum og teirra avvarðandi. Tí eru góð samstarvs- og samskiftisevni týdningarmiklir eginleikar.

Hjá Norðoya Bú- og Heimatænastu leggja vit stóran dent á høgt fakligt støði, tí verður væntað, at deildarleiðarin tekur lut í og setur sín dám á framhaldandi menning hjá starvsfólkum og av tænastum og tilboðum. NBH strembar áhaldandi í móti at betra og tillaga tænasturnar við støði í tørvi og ynskjum hins einstaka, og tí verður eisini væntað av tær, at tú bæði tolir at arbeiða undir broyttum umstøðum og at arbeiða við broytingum.

Norðoya Ellis- og Vistarheim er í dag karmur um bústað hjá 11 fólkum.  

 

Upplýsingar um Norðoya Bú- og Heimatænastu

Á heimasíðuni http://nbh.fo/leys-stoerv/ finnur tú fleiri upplýsingar um starvsprofil og setanartilgongd. Harumframt kanst tú kunna teg um visjónina hjá NBH.

 

Lønar- og setanartreytir
Lønar- og setanartreytir eru sambært sáttmála millum Fíggjarmálaráðið/Kommunala Arbeiðsgevarafelagið og Felagið Føroyskir Sjúkrarøktarfrøðingar.

Nærri kunning um starvið fæst við at venda sær til Marnu E. Jensen, stjóra fyri NBH, á tel. 410000, yrkadagar millum kl 10-15 ella við telduposti til nbh@nbh.fo.

Umsókn, við avritum av prógvum, autorisatión v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.

 

Umsóknarfreistin til starvið er á middegi mánadagin 9. september 2019.

Aftur
Privatkunda­ráð­gevi til deildina í Tórsha…
Umsóknarfreist:
4. des 2020
Dagligur leiðari/­bókahaldari til Tannspe…
Umsóknarfreist:
5. des 2020
Leiðari til Kredittdeildina
Umsóknarfreist:
4. des 2020
Leiðari at standa á odda fyri KT heildar…
Umsóknarfreist:
30. nov 2020
Førari til spulibil
Umsóknarfreist:
30. nov 2020
Starvs­fólk til Føroya Bjór
Umsóknarfreist:
4. des 2020
Havstovan søkir eftir biologassistenti
Umsóknarfreist:
16. des 2020
Starvs­fólk at arbeiða sum náttarstuðul í…
Umsóknarfreist:
27. nov 2020