ArtiCon søkir 10 lærlingar

Spennandi yrkisútbúgvingar innan betong, jørð- og kloakk, múraraøki og timbur.

Vit søkja eftir 10 lærlingum innan byggi- og verklagsvinnuna at byrja 4. november 2019 ella eftir nærri avtalu. Ein útbúgving sum tú kann brúka alt lívið!

Sum lærlingur í Articon fær tú eina spennandi og væl skipaða útbúgving innan byggi- og verklagsarbeiði ella á verkstaði okkara innan maskin og smiðjuarbeiði.

Saman við okkara dugnaligu handverkarum og arbeiðsleiðarum verður tú partur av einum toymi við hollari fakligari vitan og nógvum royndum. Ein lærutíð skiftir ímillum spennandi arbeiðsuppgávur og menning úti á einum byggiplássi og bókliga førleikamenning á teknisku skúlunum í Havn, í Klaksvík ella í Danmark í tilsaman 55 vikur. Lærutíðin er 4 ár.

Eftir lokna útbúgving hevur tú fingið eina grundútbúgving, sum opnar nógvar hurðar fyri framtíðar møguleikum, sum handverkari ella til víðari hægri lesnað innan millum annað byggi- ella verkfrøði.

Trivnaðurin og trygdin hava sera stóran týdning í Articon. Tí skipa vit fyri serligum lærlingadøgum, regluligum lærlingasamrøðum og ymiskum trygdar- og trivnaðartiltøkum í lærutíðini.

Hvør kann søkja?

Vit ynskja fyrst og fremst, at tú hevur áhuga og ídni til tað verkliga arbeiðið. Tú er liðug/ur við 9. ella 10. flokk í Fólkaskúlanum ella eina miðnámsútbúgving.

Vit ynskja starvsfelagar, sum eru nærlagdir, álítandi, duga væl at samstarva og vilja náa einum dygdargóðum úrsliti.

Spurningar og umsókn

Vil tú vita meira um, hvussu tað er at vera lærlingur í Articon, er tú vælkomin at seta teg í samband við Jógvan G. Müller á telefon +298 286141. Send umsóknina við lívsrensli og prógvum til starv@articon.fo. Freistin at søkja er 4. oktober 2019.

 ArtiCon varð stovnað í 2001 og er í dag millum størstu byggifyritøkur í Føroyum. Felagið tekst við størri og smærri byggi-, jørð og lendisarbeiði, og ger alt slag av apteringsarbeiðum umborð á bátum og skipum. Vit leggja dent á at vera ein álítandi samstarvsfelagi og seta dygd, trygd og trivnað í hásæti. Í fyritøkuni starvast í løtuni umleið 300 fólk.

Aftur
Søkt verður eftir kundavinarligum og tæn…
Umsóknarfreist:
15. des 2019
Stjóri til Tjóðpall Føroya
Umsóknarfreist:
6. jan 2020
Djóralækni/­Fiskaheilsulív­frøðingur
Umsóknarfreist:
19. des 2019
Heilsuhjálpari til Norðoya Røktarheim, f…
Umsóknarfreist:
6. jan 2020
Heilsurøktari til Norðoya Røktarheim, fa…
Umsóknarfreist:
20. des 2019
Spennandi og avbjóðandi størv á demensde…
Umsóknarfreist:
16. des 2019
Maskinførari til norð­urøkið hjá Landsver…
Umsóknarfreist:
1. jan 2020
Leiðari til Nánd
Umsóknarfreist:
10. jan 2020
Stjóri til Vørn
Umsóknarfreist:
3. jan 2020
Fulltrúi til fíggjarstýring og roknskap
Umsóknarfreist:
3. jan 2020