Løgfrøðingur til Almannamálaráðið

Almannamálaráðið søkir eftir løgfrøðingi til setan skjótast gjørligt.

 

Sum løgfrøðingur í Almannamálaráðnum verða uppgávur tínar m.a. at tilevna lógaruppskot og uppskot til kunngerðir á málsøkinum hjá Almannamálaráðnum, at svara fyrispurningum frá Løgtinginum, øðrum myndugleikum og borgarum og at tulka lógir og reglur fyri stovnar undir Almannamálaráðnum.

 

Tú fert eisini at evna til og verða partur av tilgongdum, sum hava til endamáls at bróta upp úr nýggjum og gera hugskot til veruleika.

 

Talan er  um starv  í einum spennandi politiskum umhvørvi, og skalt tú vera før/ur fyri at kunna arbeiða undir einum ávísum trýsti.

                                    

Førleikar

Tú hevur løgfrøðiligt prógv við viðkomandi starvsroyndum. Lesandi, sum eru um at gera útbúgving sína lidna, eru tó eisini vælkomin at søkja. 

 

Starvsroyndir frá miðfyrisiting ella aðrar viðkomandi starvsroyndir eru ein fyrimunur.

 

Tú skalt duga væl at orða teg á føroyskum, bæði í skrift og í talu, og er tað ein fyrimunur, um tú hevur politiskt tev og áhuga fyri samfelagsviðurskiftum sum heild.

 

Hóast starvið er sjálvstøðugt, og ábyrgdin stór, so verða uppgávurnar loystar í samstarvi við aðrar starvsfelagar í Ráðnum.

 

Lønar- og setanartreytir

Starvið verður sett sambært sáttmála millum Fíggjarmálaráðið og Búskapar- og løgfrøðingafelagið. Setanin fevnir um Almannamálaráðið og stovnar undir tí, umframt Løgmansskrivstovuna og onnur stjórnarráð.

 

Umsókn við avriti av prógvum o.ø. skal sendast til:

 

Almannamálaráðið

Eirargarður 2

FO-100 Tórshavn                                                                                  

 

ella umvegis teldupost á amr@amr.fo 

 

Umsóknarfreist

Umsóknin skal vera okkum í hendi í seinasta lagi fríggjadagin 11. oktober, kl. 12.00.

 

Nærri fæst at vita um starvið  við at venda sær til Marjuna T. Magnussen, deildarstjóra, á tlf. 734060 ella umvegis teldupost á marjun.magnussen@amr.fo.

 

Almannamálaráðið, ið umsitur almannamál, bústaðarmál, javnstøðumál og persóns-,familju- og arvarætt, veitir landsstýrinum ráð, tryggjar haldgott grundarlag og ger hugskot til veruleika.

Aftur
Søkt verður eftir kundavinarligum og tæn…
Umsóknarfreist:
15. des 2019
Starv sum fulltrúi í Kommunu­felagnum
Umsóknarfreist:
25. nov 2019
Førari til betongbil í Suðuroy til Artic…
Umsóknarfreist:
22. nov 2019
Varastjóri við lækna­fakligari bakgrund t…
Umsóknarfreist:
18. nov 2019
Maskinmeistari til Hav Nordic
Umsóknarfreist:
8. des 2019
Maskinmeistari til Hav Nordic
Umsóknarfreist:
24. nov 2019
Skúla­vørður til Runavíkar kommunu
Umsóknarfreist:
18. nov 2019
Maskinførari til Articon
Umsóknarfreist:
22. nov 2019
Havsbrún søkir eftir framleiðslu­fólk til…
Umsóknarfreist:
21. nov 2019
Roðin søkir eftir trimum kliniskum sjúkr…
Umsóknarfreist:
29. nov 2019