Skúlavørður til Runavíkar kommunu

Lýst verður eftir skúlavørði til skúlar í Runavíkar kommunu.

Í samband við at skúlavørðurin í Runavíkar kommunuskúla fer frá vegna aldur, verður søkt eftir skúlavørði til skúlar í Runavíkar kommunu.

Tú fært høvuðsábyrgdina av skúlabygningunum við Løkin, á Glyvrum, í Lamba og Søldarfirði, og kemur saman við skúlavørðinum í Skála skúla at vera partur av einum toymi, sum í felag varðar av skúlabygningum í Runavíkar kommunu.

Runavíkar kommuna fevnir um 15 bygdir. 4 skúlabygningar verða nýttir til skúlabrúk í dagtímunum. Aðrir verða nýttir til dagstovna- og frítíðarvirksemi. Annars er fjølbroytt mentanarnar- og frítíðarvirksemi í skúlabygningunum. Skúlin við Løkin fevnir til dømis um fólkaskúla, musikkskúla, kvøldskúla, býarbókasavn og mentanarhúsið Løkshøll.

Arbeiðsuppgávur

Tú fært høvuðsábyrgd av at tryggja røkt og viðlíkahald av skúlabygningunum við Løkin, Glyvra skúla, Lamba skúla og Søldarfjarðar skúla í samráð við teknisku deild hjá kommununi.

Tú fært ábyrgd av at skipa reingerðina og arbeiðið hjá reingerðartoyminum.

Framkomnar tekniskar skipanir eru, sum skulu viðlíkahaldast, stýrast, gagnnýtast og mennast.

Vit sóknast tí eftir eini eldsál at halda okkara skúlabygningar í góðum standi og at tryggja at teknisku skipanirnar virka.

Dagliga samstarvið er við teknisku deild, sum varðar av bygningum hjá kommununi, og við skúlaleiðslurnar á staðnum. Somuleiðis er samstarv við aðrar stovnar, sum húsast í skúlabygningunum.

Førleikar

Rætti umsøkjarin hevur hondverkaraútbúgving, góðan tekniskan sans, gott eyga fyri røkt, og er nærlagdur og sjálvmotiverandi.

Nógv fólk í øllum aldri hava sína dagligu gongd í skúlabygningunum, og er tað tí ein treyt, at skúlavørðurin er fyrikomandi og tænastusinnaður.

Skúlavørðurin kemur at starvast á einum øki, sum broytist og mennist skjótt, og er tí neyðugt at tola broytingar og vera virkin í hesum broytingum.

Løn

Løn er eftir avtalu við støði í viðkomandi sáttmála.

Setan

Miðað verður eftir at seta starvið skjótast tilber.

Umsóknir

Umsóknir skulu latast inn á heimasíðuni www.runavik.fo, sí Leys størv. Umsóknarfreistin er mánadagin 18. november kl. 12.

Nærri kunning

Meiri fæst at vita um starvið við at venda sær til Sølva Reinert Hansen, mentanarleiðara, við telduposti til solvi@runavik.fo ella við at ringja á tel. 221226

Aftur
Klaksvíkar Kommuna søkir eftir námsfrøði…
Umsóknarfreist:
8. jun 2020
Vit leita eftir bussførara
Umsóknarfreist:
12. jun 2020
Lærlingur innan HVS og ventilatión
Umsóknarfreist:
4. jun 2020
Havsbrún søkir eftir trimum smiðum
Umsóknarfreist:
6. jun 2020
Hjálpar- og reingerðar­fólk til Ergo- og…
Umsóknarfreist:
15. jun 2020
Vilt tú vera við til at menna størstu bú…
Umsóknarfreist:
4. jun 2020
Heilsuhjálpari til Norðoya Røktarheim, U…
Umsóknarfreist:
5. jun 2020
Spennandi deildarleiðarastarv í Roðanum
Umsóknarfreist:
10. jun 2020
Summarstørv hjá SEV í 2020
Umsóknarfreist:
5. jun 2020
Stjóri til Vinnuháskúlan
Umsóknarfreist:
15. jun 2020