Námsfrøðingur til Umlættingarheimið Dáin
Umlættingarheimið Dáin søkir eftir námsfrøðingi til dagumlætting at byrja 1. Feb. 2020 ella eftir nærri avtalu.
Talan er um fast starv á 30 tímar um vikuna.
Dagumlættingin hevur opið gerandisdagar eftir skúlatíð til kl. 17.00.
Vit leggja dent á, at geva øllum borgarum eina góða, trygga og innihaldsríka uppliving, har møguleiki er fyri menning og at knýta vinarbond.
Umframt dagumlætting er Dáin ein samdøgurstovnur, har børn, ung, vaksin og eldri menningartarnað koma til umlætting í styttri ella longri tíðarskeið. Talan er um bæði skipaða umlætting, har ávísir bólkar eru, og umlætting har fleiri aldursbólkar eru umboðaðir samstundis.
Vit kunnu bjóða:
· Ein stovn í menning, har tú fært møguleika at seta tín dám á dagin
· At starvfólk fáa fakliga menning
· Eitt lívsjáttandi starv saman við menniskjum, har tú fært møguleika at gera ein mun
Vit vænta, at tú:
· Ert opin, fyrikomandi, nærverandi og rúmar ymiskleikum
· Sært møguleikar og avbjóðingar fram um mørk
· Kanst arbeiða sjálvstøðugt
· Hugsar um menning hjá hvørjum einstøkum menniskja
· Ert sterk/ur í at samskifta og leggur dent á gott samstarv
· Hevur koyrikort til persónbil
· Hevur KT-førleika á brúkarastøði
Setunar- og lønarviðurskiftir eru sambært sáttmála millum Føroya Pedagogfelag og Fíggjarmálaráðið. Flokkingin er frá stig 11 – 22.
Umsókn saman við prógvi og møguligum viðmælum kann sendast okkum umvegis teldupost dain@av.fo og verða okkum í hendi í seinasta lagið 19. Januar 2020.
Meira fæst at vita um starvið við at venda sær til Joan Midjord, leiðara á tlf. 297750, ella Vinni Lilaa, varaleiðara á tlf. 457187, gerandisdagar, kl. 10.00 – 16.00.
Um eingin námsfrøðingur søkir, verður hjálparfólk sett í tíðaravmarkað starv.
Umlættingarheimið Dáin
Mýrivegur 11
FO-700 Klaksvík
6. mai 2024
29. apr 2024
17. mai 2024
30. apr 2024
29. apr 2024
3. mai 2024
6. mai 2024
28. apr 2024